Abbiamo rivisto dopo tanto tempo questa bella poesia del noto ristoratore e artigiano del legno e della cioccolata Franco Futia e, anche se sono passati alcuni giorni, ve la riproponiamo.
Pensu a Befana i tanti anni arretu
quando cu tanta ansia jeu à spettava,
ndavia a mamma chi sempi mi parrava:
va, dormi, figghiu, ca Bifana arriva.
i chilli tempi non avia televisioni
e accussi jeu sempi prestu mi curcava,
ma cu penseru cà Bifana arriva,
jeu quasi mai m’addurmentava.
Ndavia a fratima chi cummia si curcava
e cu li pedi sempi mi spingia;
poi chianu chianu u sonnu m’arrivava
e ncollu i fratima cadia
e a Bifana sempi pamm’a nu sognu era.
Quandu a matina jeu mi risbigghiava
giocattoli nta carzetta non vidia,
trovava fica, castagni e viscottina,
ma puru cu chilli jeu cuntentu era
ca chilli erano i tempi chi ndavia.
Mò ndannu tutti sti cotrari d’ora,
treni,apparecchi e camioncini,
ma non su cuntenti mai com’era jeu
puru ca ndannu tuttu megghiu i mia.
Sordi pagaria u tornamu arretu,
ma soddisfazioni jeu vorria,
natta vota u tornu cotraru:
u trovu a carzetta chi mpedia.
Franco Futia
Siderno